Yn ogystal â chefnogi unigolion, ‘dy ni’n awyddus i helpu’r sector yn ehangach drwy gefnogi cynlluniau hyfforddi ac addysg. Ry’n ni’n awyddus felly i dderbyn ceisiadau gan:

• Mudiadau sy’n helpu datblygu sgiliau unigolion
• Mudiadau sy’n creu cyfleoedd addysgiadol i bobl sydd eisiau gyrfa yn y cyfryngau
• Mudiadau a Mentrau Cymunedol sy’n datblygu creadigrwydd ac yn meithrin sgiliau ar gyfer gyrfaoedd yn y diwydiannau creadigol
• Cyrff sydd wedi sicrhau arian cyfatebol o ffynonellau eraill

Beth i’w gynnwys mewn cais?

• Pwrpas addysgol neu gymunedol clir
• Cyfeiriad partneriaeth gref
• Tystiolaeth o’r angen am y prosiect/gweithgaredd
• Cynllun prosiect a chyllideb gadarn
• Gwybodaeth a phrofiad perthnasol y tîm
• Egluro beth yw’r gwerth ychwanegol fydd yr yn dod i’r prosiect yn sgil creu partneriaeth gydag Ymddiried
• Manylu ar sut y bydd ein cyfraniad ariannol yn cael ei ddefnyddio
• Canlyniadau mesuradwy
• Gwerth am arian
• Sefydlogrwydd ariannol
• Ymrwymiad i hygyrchedd, cyfleoedd cyfartal ac amrywiaeth o fewn y tîm a chyfranwyr y prosiect
• Natur hysbysrwydd, cyfranogaeth ac allbynnau yn yr iaith Gymraeg

Beth na allwn gefnogi?

• Prosiectau myfyrwyr sy’n rhan o gwrs ysgol, coleg, gradd neu radd uwch
• Prosiectau i’r rhai dan 16 oed
• Cyllido neu gyfrannu at brosiect ‘byw’, e.e. cyllid ffilm, rhaglen deledu, radio, podlediad a.y.b.
• Ceisiadau sy’n gofyn i ni gyllido mwy na 40% o gostau’r prosiect
• Ceisiadau gan sefydliadau tu allan i Gymru
• Prosiectau tu hwnt i ddwy gyfres o gymorth ariannol nad ydynt wedi cael adolygiad cynhwysfawr

Faint o arian sydd ar gael?

• Isafswm o £1,000 ac uchafswm o £20,000
• Ry ni’n hapus i ystyried prosiectau dros gyfnod o hyd at dair blynedd.
• Does dim ffurflen gais i sefydliadau. Dylid gyrru’r cais ar ebost yn unig at: post@ymddiried.cymru