Cyfraniad Ymddiried: £5,000
Ar Fedi’r 30ain 2025, dychwelodd Social Media Conference Cymru am ei thrydedd flwyddyn, gan groesawu bron i 400 o weithwyr o feysydd marchnata a chyfryngau cymdeithasol i Westy’r Vale ger Caerdydd. Mae’r gynhadledd wedi tyfu’n sylweddol ers ei sefydlu, gan ddechrau gyda 280 o fynychwyr yn Stadiwm Principality yn 2023, gan barhau i sefydlu ei hun fel digwyddiad cyfryngau cymdeithasol a marchnata mwyaf Cymru.
Diolch i gefnogaeth hael Ymddiried, roeddem yn gallu darparu 25 o docynnau wedi eu cyllido yn llawn i fyfyrwyr a graddedigion diweddar, gan sicrhau mynediad i bobl ifanc at y cyfle datblygiad proffesiynol gwerthfawr hwn. Rhoddodd y lleoedd hyn gyfle i newydd-ddyfodiaid ddysgu gan arbenigwyr yn y diwydiant, i ofyn cwestiynau mewn sesiynau holi ac ateb, ac i rwydweithio â chwmnïau ac unigolion o’r maes yn ystod brecwast, cinio ac ymhob egwyl rhwydweithio.
Daeth y gynhadledd ag unigolion proffesiynol o bob cwr o Gymru a thu hwnt ynghyd, gan greu amgylchedd cynhwysol i fynychwyr. Drwy gefnogi mynediad i unigolion yn gynnar yn eu gyrfa, helpodd Ymddiried i feithrin y genhedlaeth nesaf o weithwyr cyfryngau Cymru.
